Nënkryetari i grupit Socialdemokrat në Parlamentin Evropian, Johannes Swoboda, sugjeron se një lloj autonomie për serbët e veriut në kuadër të Kosovës do të mund të ishte një zgjidhje praktike për këtë pjesë.

“Mendoj se kjo është një mundësi dhe gjithashtu një mundësi praktike dhe e mirë. Prandaj mendoj se duhet të provohet që të arrihet kjo situatë. Mendoj se në këtë mënyrë pjesa veriore e Mitrovicës do të mund të ishte një lloj lidhje ndërmjet Kosovës dhe Serbisë në të ardhmen”, tha ai.

Por, eurodeputeti shtoi se një gjë duhet të jetë e qartë, veriu i takon Kosovës si një tërësi. Sëoboda u shpreh se edhe Prishtina edhe Beogradi do të jenë të detyruara të bisedojnë për çështje të interesit të përbashkët dhe vlerësoi se vendimi i GJND-së mund të jetë një lloj kushti dhe motivim për të filluar bisedimet.

< Paraprake		Pasuese >