Presidenti i vendit, Fatmir Sejdiu, gjatë qëndrimit të tij në Malajzi, sot, është takuar me Tun Masa Hitam, kryetar i Forumit Ekonomik Islamik Botëror.

Temë e takimit ishin mundësitë e bashkëpunimit të vendit tonë me shtetet anëtare të këtij forumi. Sejdiu e informoi atë për mundësinë e mirë që ofron Kosova për investitorë.

Ndërsa, kryetari i këtij forumi, theksoi se, investitorët nga kjo pjesë e botës, nuk kanë shumë njohuri për atë që e ofron Kosova, prandaj, sipas tij, është e nevojshme që sa më shpejt të vihen kontakte të ndërsjella mes bizneseve për investimet e mundshme.

Presidenti Sejdiu, i cili po merr pjesë në punimet e Forumit Ekonomik Islamik Botëror, do të ketë edhe takime tjera, me lider të malajzian.

< Paraprake		Pasuese >