Katër serb janë arrestuar me dyshimin se kanë sulmuar një patrullë policore në Mitrovicë.

Sipas zëdhënësit të policisë, Besim Hoti, Njësi e trafikut rajonal ka tentuar të ndalë për kontroll një automjet të tipit “Golf 5” me targa të Republikës së Serbisë “NS”, drejtuesi i të cilit automjet kishte tejkaluar shpejtësinë.
Ngasësi i automjetit, i cili në atë moment po ngiste automjetin në shpejtësi prej 105 km/h, nuk është ndaluar në sinjalizimin e zyrtarëve policor.

Pas ndjekjes Njësia e trafikut rajonal ka arritur që të ndaloj automjetin e dyshuar ndërsa në automjet, veç ngasësit ishin edhe pesë udhëtar të tjerë.

Policia raporton se të gjithë personat në automjet, kanë dalë nga vetura dhe kanë filluar kërcënimet e tyre drejt zyrtarëve policor kurse njëri prej tyre kishte tentuar që edhe fizikisht të godas policin. Tre, nga katër të dyshuarit e tjerë, figuronin në sistemin e të dhënave policore për vepra të ndryshme penale si “sulm ndaj personave zyrtar” dhe “armëmbajtje pa leje”.

< Paraprake		Pasuese >