Kuvendi i Kosovës, miratoi raportin e Zyrës së Rregullatorit të Energjisë për vitin 2009. Ai u vlerësua i mirë. Por, pati edhe vërejtje. Ndërkohë AAK-ja, tha se ka ngecje në sektorin e energjisë, ndërsa AKR tha se duhet punuar në uljen e humbjeve të energjisë.

Pas debatit dhe vërejtjeve, raporti u përkrah me shumicë votash. U debatua edhe për një raport tjetër, atë të Agjencionit Kosovar të privatizimit, që u mbështet nga pozita. 20 për qindëshi i parave që u takon punëtoreve dhe nxjerrja e mjeteve nga shitja jashtë vendin ishin dy arsye që e bënë opozitën ta quajë procesin të dështuar.

Me këtë rast u kërkua edhe ndryshimi i ligjit për privatizimin. Në rend dite ligjvënësit është edhe programin e Qeverisë së Kosovës për barazi gjinore, ndërsa me kërkesë të shefit të GP të PDK-së Ramë Buja dhe me mbështetjen e grupeve tjera është futur në rend dite edhe rregullimi i mangësive në Rregulloren e punës së Kuvendit, të miratuar më datën 29 prill.
 

< Paraprake		Pasuese >