Sot në seancën e Këshillit të Sigurimit të Kombeve të Bashkuara do të debatohet rreth raportit të fundit tremujor mbi zhvillimet në Kosovë të sekretarit të Përgjithshëm Ban Ki-Mun, në të cilën do të marrë pjesë edhe ministri i Punëve të Jashtme të Kosovës Skender Hyseni.

Në raportin e kreut të Kombeve të Bashkuara, të cilin do ta paraqesë shefi i UNMIK-ut Lamberto Zanier, përshkruhen zhvillimet në tremujorin e fundit në Kosovë, ndërsa u bëhet serish thirrje Kosovës dhe Serbisë që të bisedojnë për çështje praktike.

Seanca, e cila mbahet pasdite në Nju Jork, kryesohet nga përfaqësuesi i Libanit, vend ky që ende nuk ka njohur pavarësinë e Kosovës.

Gjatë qëndrimit në Nju Jork, ministri Hyseni pritet tё takojё ambasadorё të vendeve që vazhdojnë të hezitojnë të pranojnë realitetin e krijuar në Kosovë pas shpalljes së pavarësisë.

Kosova deri tani është njohur nga 68 vende të botës.


 

< Paraprake		Pasuese >