Është identifikuar dhe rivarrosur trupi i pajetë i Halil Morinës nga fshati Rixhevë e Klinës, i cili u vra në masakrën e Izbicës në vitin 1999 nga forcat paramilitare serbe.

Morina ishte masakruar sëbashku me 98 qytetarë tjerë, ku më pas ishin varrosur nga pjesëtarë të UÇK- së dhe qytetarë të tjerë.

Trupat e tyre u zhvarrosën nga paramilitarët serbë dhe u dërguan në komunën e Vushtrrisë ku pas 11 vjetësh u identifikuan.

Klina ka edhe 87 qytetarë tjerë të cilët konsiderohen të zhdukur, ka thënë Atifete Bytyqi, zyrtare në Klinë për persona të pagjetur.

Ndryshe, edhe 11 vjet pas përfundimit të luftës në Kosovë janë edhe mbi 1800 persona për fatin e të cilëve nuk dihet asgjë.

< Paraprake		Pasuese >