Organizata Paqja Studentore, sipas rezultateve preliminare është fituese me 20.53 për qind të votave. Ky rezultat u dha nga Komisioni Qendror Zgjedhor i Universitetit të Prishtinës

Në bazë të votave të numëruara në vendin e dytë është renditur Lista Studentore Reforma (LSR) me 11.41 për qind, Unioni i Studentëve Shqiptar (USSH) me 10.34, Unioni i Pavarur i Studentëve të Kosovës (UPSK) 8.35, Alternativa Studentore (AS) 7.40, Vizioni Studentor (VS) 7.16 për qind,

Nga 11 organizata sa kanë garuar në zgjedhjet e djeshme studentore, Zëri Studentor i UP-së (ZSUP) dhe Integrimi i Studentëve Shqiptarë (ISSH) nuk kanë kaluar pragun prej 5 për qind të numrit të votave të përgjithshme si kusht i përcaktuar nga KQZUP-ja për fitimin e një mandati për në parlament.

Parlamenti i Studentëve të Universitetit të Prishtinës është organ suprem i përfaqësimit të studentëve në UP.

Anëtarët e Parlamentit të Studentëve i nënshtrohen zgjedhjeve studentore çdo dy vjet. Parlamenti i Studentëve zgjedh edhe shtatë anëtarë studentë në senatin e UP-së, ndërsa kryetari i Parlamentit Studentor është anëtar ex-officio nga numri i përgjithshëm i anëtarëve studentë në senat.
 

< Paraprake		Pasuese >