Institucionet e Kosovës nuk janë duke ndërmarrë hapa të mjaftueshëm për të përshpejtuar rrugën e integrimit në vendit në familjen e madhe evropiane.

Këtë deklarim e kanë bërë publike zyrtarë të Aleancës Kosova e Re.

Ata kanë shtuar se Kosova është larg anëtarësimit në BE-së dhe se fajtor për vonesat e integrimit evropian dhe liberalizimin e vizave janë institucionet e Kosovës, të cilat sipas tyre, nuk po udhëheqin politikë efikase në këtë drejtim.

“AKR-ja defektin e vonesave në integrimet evropiane dhe liberalizimin e vizave e sheh te politika udhëheqëse, e cila nuk e kupton mënyrën se si zhvillohen proceset politike dhe ekonomike në Evropën bashkëkohore”, ka thënë Mehmeti.

Në një konferencë për media të premten, sekretari për marrëdhënie me jashtë pranë AKR-së, Gëzim Mehmeti, ka thënë se korrupsioni, lufta për krijimin e shtetit ligjor si dhe problemi i monopoleve ekonomike, janë vetëm disa nga arsyet e mos realizimit të anëtarësimit të Kosovës në BE dhe në procesin e liberalizimit të vizave.

Mehmeti në emër të AKR-së ka kërkuar nga institucionet e vendit që t’i bëjnë të gjitha përpjekjet e mundshme që Kosova sa më shpejt të jetë edhe anëtare e Sistemit ndërkombëtar për Karton të Gjelbër.
 

< Paraprake		Pasuese >