Vrasja e një qytetari të Kosovës i cili ndodhej në mesin e katër personave të tjerë të vrarë pak ditë më parë në Maqedoni do të takojë sot ministrin e Punëve të Brendshme të Republikës së Kosovës Bajram Rexhepi dhe homologen e tij maqedonase, Gordona Jankullovska.

Gjatë vizitës së tij në Shkup, ministri Rexhepi do të shoqërohet edhe nga ushtruesi i detyrës së drejtorit të Policisë së Kosovës, Behar Selimi, kurse vizita realizohet me ftesë të ministres Jankullovska.

Sipas një zëdhënësi të policisë maqedonase, viktimat po udhëtonin me një fugon, në të cilin autoritetet gjetën një sasi të madhe armatimi dhe eksplozivëve.

Tre prej tyre u identifikuan si Xhafer Shala 31-vjeç nga Prishtina, Shaban Zenuni, 26 vjeç nga fshati Merovë i Maqedonisë, Qemajl Fejzullahu, 47 vjeç, nga fshati Gërçec i Maqedonisë, derisa personi i katërt i cili besohet të jetë vrarë nga policia e Maqedonisë, në incidentin e armatosur në afërsi të fshatit Radushë, është Harun Aliu, ish-ushtar i UÇK-së, i njohur me nofkën "Komandant Kushtrimi", reporton Alsat-M.

 

< Paraprake		Pasuese >