Asociacioni i Gazetarëve Profesionistë të Kosovës ka reaguar sot ndaj vendosjes së një pllakate në sheshin kryesor të kryeqytetit në të cilën thuhet: “Rruga e UDB-së - Flaka dhe Veton Surroi”

AGPK nëpërmjet një komunikate për shtyp ka shprehur sipas tyre shokimin nga porosia kërcënuese e nxjerrë në shesh, ku sipas tyre nëpërmjet të cilës synohet të degradohen dy figura të shquara të gazetarisë dhe publicistikës kosovare.

“Mbishkrimi “Rruga e UDB-së - Flaka dhe Veton Surroi” është mesazh thellësisht linçues, i paprecedent dhe mbi të gjitha një kërcënim i hapur ndaj ish-themeluesit dhe pronares aktuale të Grupit Koha”, thuhet në komunikatë.

AGPK kërkon nga organet kompetente të zbardhin urgjentisht rastin dhe të marrin masa për mbrojtjen e fjalës së lirë dhe të gazetarëve e mediave kosovare.

Njëherësh, AGPK inkurajon gazetën “Koha Ditore” dhe KTV-në të vazhdojë punën në shërbim të lexuesve e shikuesve, të vazhdojnë misionin e gazetarisë profesionale dhe mbi të gjitha të vazhdojnë të jenë zë i fuqishëm i mbrojtjes së interesave të publikut.

 

< Paraprake		Pasuese >