"Nikolla Gruevski është një kopje e Sllobodan Millosheviqit". 

Këtë vlerësim e dha analisti politik nga Maqedonia Mersel Bilalli, të mërkurën në "Zona B" me Baton Haxhiun.

Tutje Billalli duke u ndërlidhur me incidentin ku u vranë 4 persona, nuk përjashtoi mundësinë që të ketë dorë edhe vetë kreu i qeverisë në Shkup.

Analisti shqiptar nga Maqedonia, e cilësoi Gruevskin si një kalkulues politik, i cili fshihet prapa perdeve të nacionalizmit populist, sidomos në rastin e zgjidhjes së emrit me Greqinë.

Ai bëri thirrje te Bashkimi Demokratik për Integrim që të mos lëshojë koalicionin qeveritar, pasi sipas tij t’i jepte alibi të parit të qeverisë së Maqedonisë, që të shpallë zgjedhje të parakohshme, ndërsa faktorin shqiptar ta përdorë si alibi para ndërkombëtarëve.

Ndër të tjera, analisti Bilalli e ka vlerësuar si të dëmshëm tezën e federalizmit, duke e quajtur atë si një ide të gabuar. Sipas tij kantonizimi do të ishte një zgjidhje shumë më funksionale.
 

< Paraprake		Pasuese >