Këshilli Drejtues i Partisë Demokratike të Kosovës, thotë se rasti Limaj ka prapavijë politike. Në mbledhjen e zhvilluar sot, ky këshill ka thënë se mbështet sundimin e ligjit, por nuk pajtohet me atë që PDK-ja e quan si ndjekje politike apo politizim të këtij procesi.

Sipas partisë në pushtet, ministri i tyre Fatmir Limaj ka bërë punë të mëdha jo vetëm në infrastrukturën rrugore, për çka ka besim në pastërtinë e tij, dhe i jap besimin e saj të plotë.

Kjo strukturë e PDK-së thotë se besimi i saj do të vërtetohet edhe nga drejtësia, e cila sipas partisë, duhet të lirohet nga çdo ndikim e ndërhyrje politike.

Kryesia e partisë në pushtet, tha se që nga fillimi ka qenë e përkushtuar për të forcuar shtetin ligjor, me qëllim që të gjithë njerëzit, pa marrë parasysh pozitën shoqërore, politike dhe institucionale, nuk mund të jenë mbi ligjin as kundër sundimit të ligjit.
 

< Paraprake		Pasuese >