Presidenti Fatmir Sejdiu është kategorikisht kundër prishjes së koalicionet mes Partisë Demokratike dhe Lidhjes Demokratike tw Kosovës.

Sejdiu këtë ia tha edhe Isa Mustafës, në një takim të përbashkët, i cili u bë për t’ia tërhequr vërejtjen rreth deklaratës së tij për daljen e LDK’së nga Qeveria.
Kështu shkruan e përditshmja Express, duke u thirrur në burime të afërta me presidentin.

Ndërkohë, një zyrtarë i lartë nga LDK, i tha gazetës se “takimi ka qenë i tendosur, derisa Sejdiu ia ka bërë me dije Mustafës qëllimet se pse LDK’ja është në një koalicion me PDK’në”.
Kryesia e LDK’së është dashur të mblidhet sot për ta diskutuar këtë çështje, por takimi është shtyrë për shkak të dallimeve të thella për prishjen e koalicionit qeveritar. Por, nënkryetari Lutfi Haziri mohoi se ka tensione të tilla në parti.
Ai i tha për këtë të përditshme se mbledhja e kryesisë është shtyrw për të premten, dhe aty do të marrin pjesë edhe kryetarët e degëve.

< Paraprake		Pasuese >