Lidhja Demokratike e Dardanisë, deklaratat e zyrtarëve të LDK-së se duhet shqyrtuar qëndrimi në koalicion me PDK-në, për LDD-në konsiderohet mashtrim dhe manipulim i mbarë opinionit.

Sipas sekretarit të përgjithshëm të kësaj partie, Sejdë Tolaj, njerëzit që kanë kritikuar qeverinë gjatë fushatës, të njëjtit kanë bërë çmos që të jenë pjesë e kësaj qeverie.
“Pra në njërën anë e kullosin qeverinë, ndërsa në anën tjetër me lejen e PDK-së dalin dhe e kritikojnë qeverinë”, tha Tolaj.

Ai tha se tendenca për mashtrim dhe manipulim të qytetarëve e vlerësojnë krim dhe vepër penale ,ndërsa sa i takon shndërrimit të LDK-së në një aneks të PDK-së përgjegjës janë ata që interesin e tyre personal e kanë prioritet të vetëm.
Sekretari dardan shtoi se me këtë qasje të qeverisjes duhen vite për të riparuar dëmet dhe pasojat që po ia shkaktohen Kosovës dhe qytetarëve të saj.

< Paraprake		Pasuese >