Kryetari i Bordit të Klubit për Politikë të Jashtëm, Veton Surroi, ka ofruar veten si ndërmjetësues për ta zgjidhur krizën në Shqipëri.

Klan Kosova mëson se dje ai është takuar me presidentin e Shqipërisë, Bamir Topin, ndërkohë që pritet të takojë edhe krerët e dy taborreve të politikës shqiptare, atë të PD-së dhe PS-së.

Merret vesh, se partia e Edi Ramës, deputetët e së cilës janë në grevë urie, ka pranuar që Surroi të ndërmjetësojë për ta gjetur një zgjidhje, ndërkohë që burime nga kryeministria, i kanë thënë Klan Kosovës, se Sali Berisha e ka hedhur poshtë këtë ofertë, me arsyetimin e se Surroi është angazhuar nga Edi Rama.

Ndërkohë, vetë Surroi i kontaktuar me telefon nga Klan Kosova, nuk ka dashur të flas për këtë çështje. “Mos më pengoni” ishte reagimi i tij, para se ta mbyllte telefonin nga Tirana.
 

< Paraprake		Pasuese >