Ministri i jashtëm i Bullgarisë Nikolay Mladenov në një takim me homologun e tij Skender Hyseni tha sot se Eulex-i po bënë një punë të mirë që po e lufton korrupsionin sepse sipas tij Ballkani duhet të bashkëpunojë në luftë kundër krimit dhe korrupsionit.

Ai premtoi mbështetje për Kosovën në të gjitha aspektet, sidomos në procesin e integrimeve evropiane. Mladenov vlerësoi se bisedimet për çështje teknike në mes Prishtinës e Beogradit duhet të bëhen.

Ndërkaq, nikoqiri, Skender Hyseni falënderoi mysafirin bullgar për mbështetje dhe shtoi se bashkëpunimi bilateral do të vazhdojë.

Të dy vlerësuan se në samitin e Sarajevës duhet të jenë të gjitha shtetet dhe t’i harrojnë dallimit dhe problemet që kanë.

Ministri bullgar ka takuar edhe kryeministrin Hashim Thaçi dhe në agjendën e tij është paraparë takimi edhe me presidentin Fatmir Sejdiu.

 

< Paraprake		Pasuese >