Kanë filluar punimet e Simpoziumit të dytë Ndërkombëtar mbi sëmundjet neurologjike, cerebrovaskulare dhe epilepsitë, me ç’rast ekspertë të kësaj fushe kanë vlerësuar se numri i madh i të prekurve nga këto sëmundje sjell nevojën e një përkushtimi më të madh institucional për trajtim sa më efikas e bashkëkohor të pacientëve.

Simpoziumi në fjalë është organizuar nga Shoqata e Neurologëve të Kosovës në bashkëpunim me Klinikën e Neurologjisë të QKUK-së dhe nën përkujdesjen e Ministrisë së Shëndetësisë së Kosovës.

Kryetari i Shoqata e Neurologëve të Kosovës, Sylen Vranica ka bërë të ditur se në ditën e parë të punimeve të këtij simpoziumi, do të diskutohet për sëmundjet cerebrovaskulare me trombolizë si pika në tru, ndërsa ditën e dytë të simpoziumit temë boshte do jetë sëmundja e epilepsisë. 

Ndërkaq, neurologu Afrim Blyta dule folur për sëmundjet neurologjike, cerebrovaskulare dhe epilepsitë përmendi faktin se mundësia e shmangies nga sëmundje të tilla janë aktivitetet fizike, ushqimi i shëndetshëm, etj.

Krahas ekspertëve të Kosovës të pranishëm në Simpoziumin e dytë ndërkombëtar mbi sëmundjet neurologjike, cerebrovaskulare dhe epilepsitë janë edhe ekspertët nga Shqipëria, Kroacia, Maqedonia dhe Turqia.
 

< Paraprake		Pasuese >