Rreth 150 nxënës të shkollave të mesme nga mbarë vendi po marrin pjesë në Olimpiadën Matematikore të Kosovës, e cila organizohet për të dytën herë nga shoqata e matematikanëve të Kosovës.

Kryetari i kësaj shoqate Qëndrim Gashi tha se qëllimi i këtij organizimi është stimulimi i atyre nxënësve të cilët kanë talent për këtë lëndë.

Gashi tha se performanca e kosovarëve në këtë shkencë nuk është edhe aq e mirë, pasi që shteti i ri ka mesataren më të ultë në matematik nga të gjitha vendet e rajonit. Ai ka paralajmëruar se vendi ynë do të garoj në vitin e ardhshëm në olimpiadën ndërkombëtare e cila do të mbahet në Amsterdam të Holandës.
 

< Paraprake		Pasuese >