Kryeministri i Kosovës Hashim Thaci, dha mesazhin e tij për shënimin e Ditës së Evropës, në të cilën thuhet se Qeveria dhe gjithë qytetarët e saj janë mirënjohës për kontributin e Bashkimit Evropian për ndihmën që kanë dhënë në të kaluarën dhe atë që janë duke dhënë aktualisht në ndërtimin e Kosovës.

Nëpërmjet një komunikate ai ka shtuar se Kosova si shtet i pavarur dhe sovran, i lirë dhe demokratik, mbetet e përkushtuar për raporte të mira fqinjësore e rajonale me synim që sa më shpejt të jetë pjesë e familjes euroatlantike, e Bashkimit Evropian dhe NATO-s.

Në letrën dërguar mediave Kryeministri Thaçi shton se si të gjitha vendet e Bashkimit Evropian, edhe Republika e Kosovës 9 Majin e feston zyrtarisht në shenjë respekti për vlerat dhe identitetin e kontinentit të vjetër, që janë model dhe aspiratë e popujve dhe shteteve kudo në botë.

 

< Paraprake		Pasuese >