Haki Rugova fiton në raundin e dytë të balotazhit në Istog. Sipas rezultateve preliminare të nxjerra nga Komisioni Qendror i Zgjedhjeve, del se kandidati i Lidhjes Demokratike të Kosovës ka mposhtur bindshëm kolegun e tij nga Partia Demokratike e Kosovës, Shasivar Haxhiaj. I njëjti ndërkaq edhe i ka uruar fitoren Rugovës. Ai ka shtuar se është pritur më shumë në raundin e dytë të këtyre zgjedhje, porse e respekton vullnetin e qytetarëve. Sipas KQZ-së, kandidati i LDK-së Haki Rugova ka fituar 8.400 vota, apo 76 për qind, derisa ai i PDK-së Shasivar Haxhiaj ka fituar 2.643 vota ose 24 për qind. Rezultate të njëjta ndërkaq ka dhënë edhe Koalicioni i Organizatave Joqeveritare “Demokracia në Veprim”, që vëzhgoi mbarëvajtjen e procesit në Istog. Sipas KQZ-së, në votime kanë dalë 11. 409 votues ose, 29.03% nga gjithsej 39307 qytetar me të drejtë vote. Simpatizantët e LDK-së ndërkaq kanë filluar festën në qytezë. Nuk raportohet për incidente.

< Paraprake		Pasuese >