Rasti Limaj, është kthesë për Lidhjen Demokratike të Kosovës, që të rishikojë qëndrimin e saj për të mbetur në qeveri, sepse LDK-ja nuk ka nevojë që edhe më tutje të jetë bashkëpjesëmarrëse e një qeverisjeje të keqe. Ky është konstatimi i radhës që sjell kryetar i Prishtinës Isa Mustafa, sipas të cilit, aksioni i EULEX-it në MTPT, e ka kompromituar qeverisjen dhe tërë imazhin e vendit.
Isa Mustafa shprehet se LDK-ja, do të duhej të rishikonte pozicionin e saj në këtë qeverisje, duke theksuar se kjo e fundit asgjë nuk fiton me këtë koalicion, për arsye se ka shumë vërejtje dhe në këtë drejtim, partia e tij nuk do të duhej të ishte bashkëpjesëmarrës e keqqeverisjes. Numri një i Prishtinës tha se LDK nuk ka asnjë arsyeje që më tutje të jetë pjesë e koalicionit qeveritar me PDK-në, pasi kjo qeverisje, sipas tij, nuk është treguar efektive.

< Paraprake		Pasuese >