Institucionet kosovare sqaruan sot se asnjë nga serverët e ministrisë së Fatmir Limajt, nuk është i dëmtuar. Të dhënat e këtij dikasteri qeveritar, gjenden në serverët gjegjës dhe asnjë nga to nuk është fshirë. Kështu bëri të ditur Ministria e Administratës Publike përmes një komunikate, e cila është institucioni që menaxhon dhe është pronar i serverëve të Qendrës së Teknologjisë Informative Qeveritare, server të cilët i shfrytëzon edhe ministria e Limajt. Ky reagim i MAP vjen vetëm një ditë pasi e përditshmja Koha ditore duke u mbështet në burime brenda prokurorisë së EULEX- e cila po merret me rastin Limaj kishte shkruar se ministria e këtij të fundit i ka fshirë të dhënat nga serverët e saj, por që hetuesit e EULEX-it , po i kthejnë ato.

< Paraprake		Pasuese >