Takimi mes Ministrit të Punëve të Jashtme Skënder Hyseni dhe Ambasadorit të Xhibutit, Rashad Farah që u mbajt në kryeqytetin Francez – Paris, pati sukses.

Katër ditë pas këtij takimi, ky vend afrikan njohu pavarësinë e Kosovës.

Njohjen nga Xhibuti, e konfirmoi për Klan Kosovën, edhe këshilltari i ministrit Hyseni, Qerim Qerimi.

Ai tha se ambasadori i këtij vendi në Paris i ka konfirmuar homologut të tij kosovar,
Muhamedin Kullashi se është marrë vendimi për njohjen e Kosovës.

Nota zyrtare në lidhje me këtë cështje nuk është dërguar por ministria e jashtme, sipas Qerimit, pret që ajo të dorëzohet shumë shpejt.

Xhibuti është një shtet i vogël në lindje të Afrikës, me rreth një milion banorë.

Ai është vendi i 68-të që njeh pavarësinë e Kosovës.
 

< Paraprake		Pasuese >