"EULEX-i e arrestoi ish pjesëtarin e UCK-së Sabit Geci, me ndihmën e strukturave serbe". Të paktën kështu mendon njëri nga avokatët e tij Mahmut Halimi. “ Arrestimi i Sabit Gecit është fryt i bashkëpunimit të shkëlqyeshëm të prokurorisë serbe për krime lufte të Serbisë me policinë e misionit të EULEX-it”, thotë avokati i Sabit Gecit, Mahmut Halimi.

Geci u arrestua të enjten, ndërsa të premten iu caktua një muaj paraburgim, në gjykatën e qarkut në veri të Mitrovicës. Ky fakt, sipas avokatit tjetër, Haxhi Millaku paraqet tendencë të caktuar.

Ky improvizim i kësaj seance shkon edhe më larg, sepse vetë caktimi i gjykimit në gjykatën e veriut dhe në kohën ku është përvjetori i Ditës së Evropës, që është nesër sipas Luftës së Dytë Botërore, të vetmet struktura shtetërore pas nazizmit ishin Millosheviqi dhe konjukturat e tij politike, e që sot vazhdon të jetë ministër i Punëve të Brendshme, Ivica Daçiç dhe gjykimi rastësisht ose jo rastësisht bëhet me një strategji që ky gjykim për krime të luftës të fillojë, duke kënaqur interesin e konjukturave politike serbe”, tha avokati i Sabit Gecit, Haxhi Millaku.

Avokatët thane se akuzat për krimet lufte ndaj Sabit Gecit, për periudhën prill qershor të vitit 1999, janë të pabaza, meqë i akuzuari, sipas tyre, në atë kohë, ishte për mjekim në Lubjanë, pas plagosjes në ofensivën e Likoshanit dhe Qirezit.
 

< Paraprake		Pasuese >