Bastisja që u bë në Ministrinë e Transportit, por edhe tek të tjerat, në rast se ka, nuk do ta destabilizojnë Kosovën. Ky është qëndrimi i kreut të forcave paqeruajtëse në Kosovë, gjeneralit Markus Bentler.

“Nuk shoh destabilizim, Kosova është e qetë dhe stabile. Ndërsa unë nuk mund të përgjigjem rreth hetimeve, pasi me të po merren organet e EULEX-it. Sidoqoftë ne e përkrahim fuqimisht sundimin e ligji”, ka thwnw komandanti i KFOR-it, Markus Bentler.

E kthim mbrapa në progresin e arritur në Kosovë, sipas Bentlertit, nuk do të ketë as pas incidentit në kufirin me Maqedoninë, ku një grup, për të cilin kfor-i tha se ishte terrorist, u përlesh me policinë maqedone.

Por, a mund të ndodhë që kompetencat e përgjegjësisë së kufirit me Maqedoninë tek policia e Kosovës, të shtyhen për shkak të këtij incidenti. “Ne nuk kemi caktuar një datë për transferim të kompetencave. Çështjet do të vlerësohen para transferimeve, por siguroj se nuk do të largohemi nga aty, derisa të bindemi se niveli i sigurisë është i duhur”, tha Bentler

Këto komente u bënë në Maxhunaj të Vushtrrisë, pas ndërrimit të komandës në grupin e betejës së Veriut.

E kur bëhet fjalë për veriun, Bentler e konsideron si pjesë të Kosovës, anipse mbajti takim me Oliver Ivanoviqin, të ashtuquajturin sekretar për Kosovën në qeverinë e Serbisë. I pari i KFOR-it tha se me të u takua në kuadër të bisedave më liderë të përgjegjshëm.

< Paraprake		Pasuese >