Komisioneri i Bashkimit Evropian për zgjerim, Stefan Fyle gjatë një vizite që po i bënë veriut të vendit deklaroi se të gjithë po presin vendimin e Gjykatës Ndërkombëtare të Drejtësisë për statusin e Kosovës dhe tha se shpreson që brengat në lidhje me këtë cështje të përfundojnë brenda këtij viti.

Ai tha se nuk janë duke u zhvilluar bisedime të fshehta ndërmjet Kosovës dhe Serbisë, dhe shtoi që nëse do të ketë dicka të tillë, ato do të kenë për qëllim përmirësimin e jetës se serbeve e shqiptareve.

Fyle tha se aktualisht Bashkimi Evropian nuk ka plane aktive për zgjidhjen e problemit të Mitrovicës, por gjithsesi se do të ndihmoj në këtë proces.

Ai tha se qëllimi i vizitës së tij në këtë pjesë nuk është për të biseduar për zgjidhjen e problemit të Mitrovicës por të njihet me problemet praktike të qytetarëve dhe t’i sigurojë ata që kjo pjese e Kosovës ka perspektivë evropiane.

Komisionari i Bashkimit Evropin për zgjerim ka vizituar edhe Rektoratin e Universitetit paralel të Prishtinës që ndodhet në veri të Mitrovicës dhe ka mbajtur një ligjëratë para studentëve atje.

 

< Paraprake		Pasuese >