Derisa në Istog sot përfundon një fushata zgjedhore, në veri të Mitrovicës nis një tjetër. Agjencia e lajmeve Fonet bën të ditur se iniciativa qytetare Serbia, demokracia dhe drejtësia-Oliver Ivanoviq, listën e së cilës e ka miratuar komisioni komunal zgjedhor, nis sot kampanjën për zgjedhje lokale për komunën e Mitrovicës, që organizohen nga Serbia.

Në një komunikatë që lëshoi ky subjekt politik thuhet se “ka nevojë të madhe që zëri i qytetarëve të Mitrovicës të dëgjohet dhe respektohet me rastin e marrjes së vendimeve që kanë të bëjnë me fatin e tyre”.

Përvoja e deritashme tregon se partitë politike, sipas rregullave, merren me cështje të mëdha politike, derisa qytetarët kërkojnë qasje të menjëhershme për problemet e grumbulluara që do duhej të zgjidheshin me vetëqeverisjen lokale”, thuhet në kumtesë. 
 

< Paraprake		Pasuese >