Me ftesë të Ministrit të Ekonomisë dhe Financave, Ahmet Shala, të martën në Kosovë do të vijë për vizitë zëvendësministri italian për Zhvillim Ekonomik, Adolfo Urso sëbashku me 30 biznesmenë italianë.

Kësaj vizite i paraprinë vizita e Ministrit Shala në Verona të Italisë në muajin shkurt të këtij viti, i cili ka iniciuar thellimin e bashkëpunimit në mesë të dyja vendeve.

Siç njofton Ministria e Financave, me këtë rast ministri Shala dhe zv/ministri italian Urso, do nënshkruajnë edhe një marrëveshje bashkëpunimi në mesë të dyja vendeve.

Urso në këtë vizitë do të jetë i shoqëruar edhe nga përfaqësues të Institutit Kombëtar për Tregtinë e Jashtme – ICE dhe dhjetra biznesmenëve italianë, të cilët kanë shprehur interesim të investojnë në Kosovë. Me këtë rast do mbahet edhe një forum biznesi Kosovë – Itali, ku do të prezantojnë edhe një numër i bizneseve lokale.
 

< Paraprake		Pasuese >