Sot me aktivitete të ndryshe në mbarë botën shënohet 3 Maji - Dita ndërkombëtare e lirisë së shtypit. Gazetarët me aksionin “Pesë minuta heshtje të rrufeshme” shënojnë ditën e lirës së shtypit. Me ndërprerjen e emetimit të lajmeve prej orës 11.55 deri në orën 12.00, gazetarët do të bëjnë të ditur në problemet me të cilat përballen gjatë ushtrimit të punës së tyre dhe në rëndësinë e qasjes deri te informatat.

Në Kosovë, me rastin e shënimit të kësaj dite, Agjencitë e Kombeve të Bashkuara të udhëhequra nga UNDP dhe në bashkëpunim me Asociacionin e Gazetarëve Profesionistë të Kosovës dhe AAB Riinvest-in organizojnë tryezën me temë “Liria e shtypit, mediat dhe zhvillimi”. Ndërsa Unioni i Gazetarëve të Kosovës (UGK), organizon aktivitetin me moton “Më shumë liri”.

Në raportin e fundit të Organizatës Freedom House për lirinë e shtypit në botë, për vitin 2009, Kosova është radhitur në vendin e 53-të si pjesërisht e lirë, Shqipëria është radhitur e 50-ta, gjithashtu si pjesërisht e lirë.

Me të njëjtin vlerësim janë klasifikuar Serbia në vendin e 35-të, Kroacia në vendin 40, Maqedonia në vendin 46, ndërsa Bosnjë e Hercegovina në vendin 48.

 

< Paraprake		Pasuese >