Siç njofton agjencia e lajmeve “Kosovapress”, ujësjellësi rajonal “Prishtina”, do të nis aksionin e shkyçjes për shkak të borxheve të shumta që qytetarët kanë ndaj kompanisë. Ndërsa borxhi total, që nga paslufta, kap shifrën prej 35 milionë eurosh. Zëdhënësja e ujësjellësit Arjeta Mjeku ka thënë, se nuk do të përjashtohet asnjë konsumator dhe se shkyçjet deri tash janë ndërmarr vetëm në kryeqytet.

Ndërsa tash e tutje, sipas Mjekut do të bëhet shkyçje kolektive dhe individuale edhe në komunat tjera që menaxhohen nga Ujësjellësi i Prishtinës”.

Aksioni për shkyçjen e konsumatorëve borxhlinj nga rrjeti i ujësjellësit do të bëhet pos Prishtinës, edhe në komunat e Fushë Kosovës, Drenasit, Kastriotit, Besianës, Shtimes, Lipjanit dhe Graçanicës, në të cilin janë angazhuar mbi 10 ekipe të shkyçjes.

Evitimi i shkyçjeve mund të bëhet vetëm nëse konsumatorët do të paguajnë më shumë se 50 për qind të borxhit të përgjithshëm.
 

< Paraprake		Pasuese >