Mijëra qytetarë nga e gjithë Kosova, kanë mësyer parkun regjional të Germisë në kryeqytet, për të shënuar ditën e punëtorëve, një majin. Me lojëra të ndryshme, qoftë fizike apo edhe lojëra fati, shumë të rinj po shënojnë këtë ditë duke u argëtuar larg zhurmës së qytetit.

Megjithatë, të gjithë ata që janë duke shkuar edhe më tej, do ta kenë të vështirë, pasi që rruga nga lagjja Tasligje është e bllokuar për automjete. E zgjidhje mund të jenë autobusët, të cilët janë të papenguar për të shkuar deri tek hyrja e parkut.

Për të vëzhguar nga afër ecurinë e festës, në Gërmi prezentë janë edhe policia, inspektorwt komunalw dhe ndihma e shpejtë. Mirëpo, deri më tani nuk është shënuar ndonjë rast për intervenim të ndihmës ë shpejtë, përveç se policia dhe inspektorwt janë duke u munduar të largojnë nga parku shitësit ambulantë. Pritet që aktivitete të ndryshme të zhvillohen deri në orët e vona të natës.

< Paraprake		Pasuese >