Humanisti Anton Çetta është dekoruar sot me “Medaljen e artë” post-mortum. Kjo një ditë para 20- vjetorit të pajtimit të gjaqeve, presidenti Fatmir Sejdiu u dorëzoi diplomën e kësaj medalje dy vajzave të Çetës.

Presidenti çmoi lartë kontributin e veprimtarit dhe mbledhësit të folklorit, në përpjekjet për të sjellë paqe, demokraci dhe humanizëm, duke thënë se veprimi i tij mbetet shembull i veçantë dhe domethënës për Kosovën dhe shqiptarët.

Çeta shumicën e jetës së tij ua dedikoi kërkimeve shkencore në fushën e studimeve albanologjike, tha presidenti, duke shtuar se ai gjithashtu ishte në mision për krijimin e tolerancës dhe pajtimit qytetar.
Në vitin 1990, Çeta krijoi Komitetin për pajtimin e gjaqeve, që u dha fund qindra gjakmarrjeve në mes të familjeve. Ai vdiq në Prishtinë, në vitin 1995.

< Paraprake		Pasuese >