Bastisjet në Ministrinë e Transportit, dhe në pronën e Fatmir Limajt, janë pjesë e një rasti të madh të cilin po e ndërton EULEX-i për të luftuar korrupsionin.
Ushtruesi i detyrës së kryeprokurorit të Misionit Evropian për forcimin e sundimit të ligjit në Kosovës, Johanes Van Vresvejk, për Klan Kosova sqaroi se për kë bëhet fjalë.

“Ministri i Transportit është i përfshirë. Këtu nuk ka fshehtësi publike”, tha ai.

Ai sqaron se bastisjet e së mërkurës ishin hetuese, të ndërlidhura për rastin e jo individin.
Por kjo nuk është e tëra, sepse jo vetëm ministria e transportit, është cak i hetimeve.

“Marr parasysh mandatin tonë, unë nuk e përjashtojë mundësinë asnjë qytetar, asnjë ministri apo bisnezet në Kosovë”.

Kryeprokurori i EULEX-it, tha se është kompiluar një protofolio me disa raste, në atë që ai e quan Rasti Limaj.

“Mund të them se ky është vetëm fillimi i shfaqjes së pritjeve të ngritura për EULEX-in. Dihet se ka pasur zhgënjim në popullatë për atë se çfarë kemi bërë deri tani. Jam i lumtur, që t’i lajmëroj se ky është fillimi i diçkaje për çfarë ne presim se do të pritet mirë nga popullata. Kjo është puna për të cilën kemi ardhur.”

Shefi i hetuesisë së EULEX-it, sqaroi se po hetohen disa persona të dyshuar, për të cilat janë duke u mbledhur provat. Për këtë kërkoi përkrahjen e opinionit publik.

“Pres që njerëzit do ta vlerësojnë punën tonë, në luftimin e korrupsionit”, tha an Vresvejk.

Johanes Van Vresvijk nuk deshi të komentojë se sa persona po hetohen, por premtoi se këtë do ta bëjë, kur hetimet ta lejojnë.
 

< Paraprake		Pasuese >