Dy shpërthime janë regjistruar natën mes të mërkurës e të enjtes në veri të Kosovës.
Detonimi i parë është dëgjuar në fshatin Tvrgjan të Leposaviqit.
Policia ka konfirmuar se këtu është demoluar një antenë e operatorit mobil të telefonik IPKO.

Besohet se mjeti shpërthyes i përdorur në këtë sulm është i njëjtë me ato që janë shfrytëzuar gjatë shkatërrimit të antenave të tjera të IPKO-së në veri të Kosovës.

Një orë më vonë një granatë dore është hedhur në afërsi të stacionit policor të Zubin Potokut.
Zëdhënësi i policisë rajonal në Mitrovicë, Besim Hoti ka thënë se janë në bazë të vlerësimeve preliminare shpërthimi ka ndodhur nga një granatë dore e llojit “M-75” prodhim jugosllav.
Sipas tij shpërthimi ka shkaktuar dëme të vogla materiale në xhamat e stacionit policor të Zubin Potokut.

< Paraprake		Pasuese >