Takimi brenda ndërtesës që qeverisë së Kosovës po vazhdon edhe në orët e vonshme të natës. Përveç kryeministrit Hashim Thaçi e ministrave ndër të cilët edhe Fatmir Limaj, aty është edhe ambasadori amerikan Kristofer Dell. Por, nuk ishte vetëm qeveria vendi ku vlonte gjithçka.

Hetues të EULEX-it ndodhen brenda Mistrisë së Transporteve, derisa policia e këtij misioni mban të rrethuar ndërtesën. Nga aty, gjatë ditës u konfiskuan materialet të shumta. Operacioni përfshiu edhe zyrën e shefit të Prokurimit, Nexhat Krasniqi, të cilit i është bastisur edhe banesa. Krasniqi menjëherë ka angazhuar avokatin Bajram Tmavën.

Tmava tha për Klan Kosovën se ka qenë prezent gjatë bastisjes së banesës së klientit të tij, dhe nga aty Eulex, ka marrë disa gjëra, që sipas tij nuk lidhen me punën që ai bën. E në ndërtesën e qeverisë u pa në mbrëmje duke hyrë edhe Baton Haxhiu. Ai tha nëpërmjet telefonit se shkoi për të negociuar për një intervistë me Fatmir Limajn, njeriun më të përfolur të gjithë këtij operacioni.
 

< Paraprake		Pasuese >