Gjithçka filloi pa paralajmërim. Policë të EULEX-it, pasi përfunduan bastisjen e banesës së babait të Fatmir Limajt në qendër të Prishtinës, nuk lejuan futjen e gazetarëve. 

Bastisja përfundoi pas orës 16.00, ndërkohë Fatmir Limaj, sipas burime të Klan Kosovës, po mbante takim me kryeministrin e Kosovës, Hashim Thaçin.

Por më kaq nuk përfundoi gjithçka. 
Trupa të shumtë të policisë iu drejtuan edhe ndërtesës së Ministrisë së Transporteve. 

E rrethuan atë nga të gjitha anët. Nga aty nxorën punëtorët e mbetur. Një dëshmitar ka thënë se pjesëtarët e EULEX-it hynë si civilë dhe menjëherë vunë logot e misionit për të cilin po punojnë dhe nëpërmejt një përkthyesi u thanë punëtoreve se kanë urdhër nga gjykatësi. Hetues të EULEX-it, po bënin punën e tyre ndërkohë që po ruheshin nga policët e armatosur dhe të mbëshetura edhe me mjete të rënda. 

Krejt cfarë tha EULEX-i ishte një kumtesë e shkurtër për media e cila bënte të ditur se në orën 15:55, Departamenti Ekzekutiv i Policisë së EULEX-it ka bastisur disa lokacione në rrethinë dhe brenda Prishtinës. Kjo është pjesë e vazhdës së hetimeve që udhëhiqen nga Zyra e Prokurorit Special në Kosovë (PSRK), thuhet në të. 

Kontrolli vazhdoi edhe në shtëpinë ku aktualisht banon Fatmir Lima, në Veternik, që është pronë e komandantit të FSK-së, Sylejman Selimi. Për dallim nga vend bastisjet tjera, fqinjtë e Limajt në Veternik, dolën në mbështetje të nënkryetyariut të PDK-së, dhe përnguan gazetarët. Partia Demokratike e Kosovës u mblodh në një takim urgjent në selinë e saj e lideri, Hashim Thaci ishte në Qeveri, bashkë më ambasadorin Dell. 

Derisa qarkullonin informacione se Limaj është arrestuar, ai u shfaq i qetë në oborrin e Qeverisë, duke iu bashkangjitur takimit, Thaçi-Dell. E gjithë kjo kronologji ngjarjesh, kishte zanafillën në fshatin e Limajt, në Bajë të Malishevës, ku hetues të EULEX-it, ishin qysh në mëngjes.

Ndërkohë Ministri i Punëve të Brendshme, Bajram Rexhepi ka thënë se nuk është në dijeni të aksionit policor ku është bastisur Ministria e Transportit dhe Post-Telekomunikacionit dhe disa lokacione të tjera.

“Sa i përket kësaj jo, për arsye se ne ishim pak më parë në kohën e hapjes së ofertueseve për procesin e koncesionimit të Aeroportit dhe takime një pas një, nuk kam informatë të tillë, arsyen nuk e di nuk, mund ta them”, është shprehur ministry Rexhepi. Rexhepi ka thënë se nëse ka argumente për krim dhe korrupsion, është koha që të veprohet kundër krimit dhe korrupsionit.

Shtoje në: