Universiteti i Prishtinës, dëshiron të kthejë rregullin dhe pronën e saj, në lagjen e profesorëve në kryeqytet.

Rektori i UP së, Mujë Rugova bëri me dije se 33 objektet e uzurpuara në këtë vendbanim, të njohura si shtëpi-vila, janë pronë e Universitetit të Prishtinës. Sipas tij, objektet janë uzurpuar nga persona të pandërgjegjshëm të cilët në vazhdimësi përpiqen të përfitojnë nga prona e Universitetit të Prishtinës duke shitur dhe stërshitur disa herë këto objekte.

Rektori, Rugova shtoi se Universiteti i Prishtinës është në fazën e identifikimit të uzurpatorëve të këtyre objekteve, në mënyrë që kontestin në fjalë t'ia paraqesë me argumente të plota Gjykatës Komunale në Prishtinë.

< Paraprake		Pasuese >