Shpërthimi që shënoi fillimet e punimeve të autostradës Vermicë-Merdarë, u cilësua si realizimi i ëndrrës shqiptare, shkurtimit të distancës fizike mes tyre dhe zhvillimit ekonomik të Kosovës.

Kjo simbolikë u realizua nga kretët më të lartë të shtetit kosovar dhe kryeministri i Shqipërisë Sali Berisha.

Presidenti i Kosovës Fatmir Sejdiu tha se ka nisur ëndrra e kamotshme drejt integrimeve Euro-Atlantike duke e shtuar se me këtë projekt do të ketë zhvillim më të shpejtë të jetës së qytetarëve.

Kryeministri i Kosovës Hashim Thaçi e quajti këtë realizim si projektin më të madh pas pavarësisë së vendit. Sipas tij është hapur një kapitull i ri i shqiptarëve. I pranishëm në ceremoninë zyrtare të hapjes së punimeve të autostradës Morinë – Merdarë ishte edhe kryeministri shqiptar Sali Berisha i cili tha se shqiptarët kanë humbur mjaft kohë dhe sipas tij, duhet nxituar për të kapur kohën e humbur. 

Kryparlamentari Jakup Krasniqi vlerësoi luftën e UÇK-së si rol kyc i lirisë dhe realizimit të aspiratave të popullit të Kosovës. Ministri i Transporteve Fatmir Limaj vlerësoi nisjen e punimeve duke shktuar se me këtë projekt po rrëzohen mure duke u ndërtuar e ardhmja e popullit të Kosovës.

Në ceremoninë inauguruese ishin të pranishëm ambasadori amerikan Christipher Dell dhe ambasadori turk në Kosovë sëbashku me përfaqësues të kompanisë e cila do të ndërtojë autostradën “Bechtel – Enka”.

Projekti është paraparë të kushtojë mbi 700 milionë euro dhe pritet të përfundojë brenda 36 muajsh, ndërkohë do të ketë katër korsi dhe disa pjesë të saj do të jenë të pajisura më nducues rrugorë. Qeveria ka bërë të ditur se ka filluar procesi i shpronësimit por mësohet se ende nuk janë konpensuar ende pronarët e tokave.

Buxheti për ndërtimin e "Korridorit të Kombit", sigurohet nga Qeveria e Kosovës dhe dhe pjesa tjetër nga donatorët.
 

< Paraprake		Pasuese >