LDK-ja dhe LDD-ja përfundimisht nuk do të lidhin koalicion parazgjedhor. Kështu shkruan e përditshmja Express, sipas së cilës, pas tre muaj pritje të një shenje pajtimi, Nexhat Daci tërhoqi ofertën që i kishte bërë LDK-së për koalicionin parazgjedhor.

Pas mbylljes së këtij kapitulli, sipas Lulzim Zenelit, LDD-ja e konsideron LDK-në njësoj sikur partitë e tjera politike. Bile sipas tij LDK-ja nuk ka politikë sovrane dhe se është bërë një filiale e PDK-së.

Ndërkaq shefi i grupit parlamentar të LDK-së Ismet Beqiri, ka thënë se oferta e LDD-së nuk ka pasur afat të caktuar kohorë për përgjigje. Sipas tij, kjo parti nuk merr hapa të ngutshëm. Sipas Beqiri, LDK-ja nuk ka dhënë përgjigje refuzuese në një mënyrë, por nuk ka qenë ende e gatshme për të pranuar një ofertë të tillë çfarë e ka bërë LDD-ja.

< Paraprake		Pasuese >