Kryeministri i Kosovës Hashim Thaçi dhe shefi i EULEX-it, Iv de Kermabo kanë përshëndetur krijimin e Task-Forcës për luftimin e korrupsionit, që do të përbëhet nga prokurorë dhe ekspertë të policisë, vendore dhe ndërkombëtare.

“Mbështetja jonë do të jetë e gjithanshme duke filluar nga mbështetja politike, financiare dhe profesionale”, ka thënë Thaçi.
Ai ka vlerësuar se është në interesin e gjithë shoqërisë kosovare që të mbështesë dhe të ndihmojë në luftimin e korrupsionit, krimit të organizuar dhe të gjitha dukurive tjera.

“Do të vazhdojmë edhe me thellimin e reformave në drejtësi, si hap për krijimin e rrethanave më të favorshme në zbatimin e sundimit të ligjit në Kosovë”, ka thënë kryeministri Thaçi. Thaçi dhe Kermabo ishin të shoqëruar edhe nga ministri i Drejtësisë Haki Demolli.
 

< Paraprake		Pasuese >