Sulmet e fundit të ndodhura në Zallq të Istogut janë kryer nga fëmijët, kanë thënë burime policore për radion Evropa e Lirë. Zëdhënësi i Policisë rajonale në Pejë, Xhevat Ibra ka thënë se fëmijët janë frustruar për shkak të protestave të popullatës vendore të këtij fshati për mos kthimin e serbëve të inkriminuar në krime të luftës.

“Mbështetur në rezultatet e para të grupit hetimor që po zhvillon hetimet lidhur më rastet,është intervistuar edhe prindi B.K. i cili ka treguar se për deri sa ishte duke qarkulluar autobusi i cekur më lartë, në afërsi të shtëpive të tyre, ka vërejtur se fëmijët e kanë gjuajtur atë”, shpjegoi Ibra.

Në zonën e banuar nga serbë e shqiptarë, ditë më parë, serbët u ankuan për sulme të vazhdueshme ndaj tyre, në tendat ku jetojnë dhe në një autobus me udhëtarë të këtij komuniteti. Serbët e kthyer pas luftës në Kosovë jetojnë nëpër tenda të UNHCR-së dhe janë në mbrotje të policisë së Kosovës dhe KFOR-it. 

< Paraprake		Pasuese >