Ministria për Integrimeve Evropiane e Republikës së Shqipërisë, Majlinda Bregu po qëndron sot për një vizitë zyrtare në Prishtinë, ku do të nënshkruhen dy marrëveshje bashkëpunimi mes Shqipërisë dhe Kosovës.

Njëra nga këto marrëveshje është në fushën e integrimit evropian dhe tjetra për programin e bashkëpunimit ndërkufitar.

Bregu, fillimisht u prit nga presidenti i Kosovës, Fatmir Sejdiu, mirëpo pas takimit nuk pati prononcime, por sipas një komunikate të lëshuar më vonë nga ky organ, thuhet se në takim është shprehur bindja se Kosova do të jetë shumë shpejt një përfituese, pas liberalizimit të vizave në Shqipëri.

Duke folur për pjesëmarrjen e Republikës së Kosovës në takimet rajonale, Presidenti Sejdiu theksoi se kjo pjesëmarrje do të jetë vetëm në nivel të shtetit të Kosovës. Nga ana e saj, ministrja Majlinda Bregu theksoi se institucionet e Republikës së Shqipërisë dhe ato të Republikës së Kosovës do të zhvillojnë një bashkëpunim të ngushtë në të gjitha fushat. Në agjendë e Ministries Bregu është shënuar edhe takimi me kryeministrin Hashim Thaçi homologun kosovar Besim Beqaj, Ministrin e Pushtetit Lokal Sadri Ferati dhe Komisionin Parlamentar për Integrime.
.

 

< Paraprake		Pasuese >