Protestimeve për mbajtjen në burg të ish luftëtarëve të UÇK-së, në rastin e njohur si rasti Kiçina, sot iu bashkuan edhe artistët e sportistë.

Një grup i tyre, marshuan që nga platoja e pallatit të rinisë, e deri tek gjykata supreme, ku kanë vendosur pamflete, me kërkesat “Eulex, iu takon liria’, dhe “Eulex, mos u merr me raste të fabrikuara”.

E gjithë kjo për të kundërshtuar vendimin që katër luftëtarët po mbahen në burg tash e tetë vite, ani pse asnjë shkallë e gjykatës nuk ka arritur që të gjejë fakte për akuzat ndaj tyre.

Ndryshe, Arsim e Burim Ramadani, si dhe të Arben e Jeton Kiçina, po vuajnë dënimin prej 106 vjetësh burg, nën akuzat se kanë vrarë familjen Hajra, në vitin 2001, në Drenas.


 

< Paraprake		Pasuese >