Familja Arifi nga Bardhoshi i Prishtinës, me anë të një letre ka kërkuar nga institucionet e vendit t’u bëjnë presion Maqedonisë, për zbardhjen e fatit të birit të tyre, Nexhatit 31 vjeç. Ai kishte hyrë në Maqedoni përmes vendkalimit Bllacë më 31 janar të këtij viti dhe që nga ajo kohë nuk dihet asgjë për fatin e tij.

17 ditë më vonë në qendër të Shkupit, është gjetur vetura dhe sendet personale të tij. Babai i Nexhatit ka thënë se kërkimet nga familjarët, organet e rendit në Maqedoni, si dhe atyre të vendit nuk kanë sjellë rezultate.

Ai ka shprehur dyshimet se mos i biri i tij është kidnapuar nga policia për krime e Maqedonisë, ndonëse ai kurrë nuk ka qenë pjesë e aktiviteteve të kundërligjshme.
Sipas Arifit, Nexhati, është përfaqësues për Kosovë i firmës “Toshiba”.

 

< Paraprake		Pasuese >