Përfaqësuesi i Posaçëm i BE-së në Kosovë, Piter Feith tha se qeveria e Kosovës duhet të përcjell fjalët me vepra për të treguar se po e lufton korrupsionin në nivelet e larta.

Duke folur në Dablin në Institutin për çështje ndërkombëtare dhe evropiane, ai tha se raporti më i fundit i progresit i Komisionit Evropian për Kosovën, ka ngritur shqetësime të theksuara lidhur me korrupsionin.

Lufta e vendosur është thelbësore, jo vetëm për të përmirësuar imazhin e Kosovës për të joshur investitorët, por edhe për të kënaqur pritjet e qytetarëve Brenda vendit.

Sipas Feith, njerëzit në Kosovë ndjejnë se nuk është bërë mjaftë dhe presin të bëhet më shumë në luftimin e korrupsionit. Për këtë arsye, sipas tij, fjalët shumë të mira duhet të përcillen edhe me vepra.Në këtë drejtim, ai tha se shpreson që në muajt e ardhshëm të ndërmerren hapa të rëndësishëm në këtë drejtim.

< Paraprake		Pasuese >