Kryeministrit të Kosovës, Hashim Thaçit vazhdojnë t’i vijnë letra nga liderë botërorë, në të cilat shprehet falënderimi për letrën dhe pikturën e dërguar, pas konkursit kombëtar të nxënësve të Kosovës “Festo me mua” në dyvjetorin e Pavarësisë.

Thaçit letër falënderuese i ka ardhur nga homologu slloven Danilo Turk, i cili ndër të tjera thekson bindjen e tij se artistët e rinj të Kosovës paraqesin vlera që simbolizojnë paqen, prosperitetin dhe stabilitetin, si kushte të rëndësishme për zhvillimin e një shteti të ri, siç është Kosova.
Ndërkaq, kryeministri i Norvegjisë, Jenz Stoltenberg, falënderon Thaçin për dërgimin e pikturës së artistit të ri të Kosovës, duke nënvizuar faktin që përmes saj populli i Kosovës shpreh qartë vullnetin për një të ardhme paqësore.
Falënderime Thaci ka pranuar edhe nga Presidenti i Komisionit Europian, Jose Manuel Barroso dhe ai i Republikës së Irlandës, McAleese.

< Paraprake		Pasuese >