Shtabi Zgjedhor i Kandidatit të Aleancës për Ardhmërinë e Kosovës në Istog sqaron opinionin nëpërmjet një njoftimi se incidenti i paradites së sotme në vendvotimin në Banjë të Pejës është shkaktuar nga rradhët e LDK-së.

AAK vlerëson se persona të LDK-së, të fustruar nga rezultatet në disfavor të kandidatit të saj, po veprojnë pa arsye dhe po përdorin lloj-lloj formash për të keqpërodur votën apo për të bërë presion te qytetarët. 

Shtabi Zgjedhor i Kandidatit të AAK-së në Istog bën të ditur, gjithashtu, se zv/ministri Adem Grabovci, nga radhët e PDK-së, gjatë tërë ditës së sotme është duke ushtruar presion mbi votuesit në fshatin e Saradran dhe në vendvotimet tjera në afërsi të këtij fshati.

AAK e fton Grabovcin që të heqë dorë nga këto forma të presionit dhe t’i lejojë qytetarët që të votojnë të lirë dhe sipas vullnetit të tyre, kurse zyrtarët e LDK-së i fton që ta ruajnë qetësinë dhe të mos ndërhyjnë me lloj-lloj formash në falsifikim votash, për shkak të rezultatit që po shkon në favor të Muhamet Shatrit në zgjedhjet e sotme në Istog.

Sipas njoftimit një nëpunës i Komunës së Istogut, nga radhët e LDK-së, është penguar nga koordinatori i vendvotimit, nga radhët e AAK-së, që të mos votojë në emër të personave të vdekur në listën e votimit.

Me këtë rast policia ka ndërhyrë duke i arrestuar të dy personat, për të liruar më pas nëpunësin komunal, kurse koordinatorin e AAK-së e ka liruar vetëm tri orë më vonë. Koordinatori i këtij vendvotimi nga radhët e AAK-së është duke vazhduar sërish punën e tij në vendvotim.

< Paraprake		Pasuese >