Kryetari i Lidhjes Demokratike të dardanisë Nexhat Daci u pa të jetë me humor të mirë në Konventën e Dytë të partisë së tij, ndonëse njëra nga pikat kryesore ishte zgjedhja e kryetarit të ri të partisë.

Por, Nexhat Daci u duk i sigurt për rizgjedhje. Ashtu edhe ndodhi, pasi me 501 vota pro nga delegatët e kësaj partie, pa asnjë kundërkandidat, ai u rizgjodh kryetar edhe për 4 vitet e ardhshme.

Daci menjëherë dha zotimet për mandatin e ri. I pranishëm në sallë ishte edhe Behxhet Pacolli i cili sipas Dacit është emër që i është dashur Kosovës, të varfërve por edhe partisë së tij, por vetëm në një cilësi, si partner.

Ndërsa kryetari i AKR-së Behxhet Pacolli tha se bashkëaleati i tij është shtylla e opozitës. Në Konventë u thanë edhe kritika për pozitën e cila sipas Dacit trumbeton se është qeveria më e mirë në Ballkan madje edhe në botë, por që nuk i di as kufijtë e Kosovës.

Ai ka kritikuar edhe presidentin e Kosovës Fatmir Sejdiun, i cili tha se ai nxitohen në deklara dhe nuk përmbahet.
Të shtunën, LDD-ja zgjodhi edhe 101 anëtarët e Këshillit Kombëtar të saj, ku u miratua deklarata e konventës së dytë dhe miratimi i orientimeve programore.

 

< Paraprake		Pasuese >