Një test të vështirë ka para vetes kreu i ri i policisë, Behar Selimi. Detyrat ia dha të shtunën, partia opozitare, Aleanca për Ardhmërinë e Kosovës.

Burim Ramadani, sekretar i përgjithshëm i AAK-së tha se testi i parë që tregon përkushtimin ose mospërkushtimin është rasti i vjedhjes në polici dhe rivendosja e pikave kufitare e doganore në veri.

Sipas sekretarit të përgjithshëm të AAK-së, Selimi është njëri ndër profesionistët më të mirë të policisë, dhe e porositë që mos të jetë kukullë e kryeministrit Hashim Thaçi.

E për dallim nga Selimi, kjo parti, nuk ka besim të madh në aftësitë e ministrit të ri të Punëve të Brendshme, Bajram Rexhepi.

Ramadani tha se Bajram Rexhepi nuk duhet të zhgënjej Kosovën sikur e ka zhgënjyer Mitrovicën gjatë kohës sa ka qenë kryetar. Rexhepit e Selimit, AAK-ja ia rikujtoi edhe tri detyra të tjera kryesore siç janë zbatimi i ligjit në tërë territorin e Kosovës, ndalja e politizimit të policisë dhe ofrimi i shërbimeve më të mira për qytetarët.
 

< Paraprake		Pasuese >