Sonte në mesnatë hyri në fuqi heshtja parazgjedhore për Burimin, ku të dielën mbahen zgjedhjet e parakohshme, pas vdekjes së kryetarit Fadil Ferati.

Heshtja parazgjedhore do të zgjasë deri në mbylljen e vendvotimeve, të dielën në ora 19.00 të mbrëmjes.

Në garën për të parin e Burimit janë Shasivar Haxhiaj, kandidat i PDK-së, Muhamet Shatri nga AAK, Ismet Mulaj AKR, Rifat Osmani LDD dhe Haki Rugova LDK.

Policia e Kosovës në bashkëpunimin me Komisionin Qendror Zgjedhor kanë thënë se kanë bërë të gjitha përgatitjet, për të garantuar që zgjedhjet e 14 marsit, të kalojnë në frymë të qetë. Për mbarëvajtjen e zgjedhjeve në Gjilan, do të angazhohen rreth 60 zyrtarë policorë.

Nga ana tjerët edhe zyrtar të Policisë së Kosovës, kanë thënë se janë bërë të gjitha përgatitjet operacionale dhe se plani i sigurisë së qendrave të votimit mbetet i njëjti, sikurse edhe në zgjedhjet e kaluara.

Ndryshe, në komunën e Burimit janë 15 qendra votimi dhe 55 vendvotime, ndërsa të drejtë votimi kanë 39 mijë e 307 qytetarë. Rezultatet preliminare pritet të kumtohen nga KQZ-ja prej orës 24.00 deri në ora 01.00.
 

< Paraprake		Pasuese >